Ата – аналар назарына!
«Қарағанды қаласының білім бөлімі» ММ- сінің хабарламасы бойынша жаңа оқу жылына дайындық мақсатында әлеуметтік санаттағы балаларға материалдық көмек көрсету жұмыстары басталды.
Қазақстан Республикасы Үкіметі№64 қаулысына сәйкес қаржылық және материалдық көмек көрсету мемлекеттік қызмет болып табылады (Қазақстан Республикасы Білім және ғылым министірінің 2020 жылғы 24 сәуіріндегі №158 бұйрығы).
Бұл көмек «Жалпы оқу қоры» есебінен атаулы әлеуметтік көмек (АӘК) алатын балаларға, жан басына шаққандағы табысы төмен, ең төменгі күнкөріс деңгейінен төмен отбасыларындағы балаларға, жетім балаларға және ата-анасының қамқорлығынсыз қалған балаларға, сондай-ақ төтенше жағдайға тап болған балаларға және мектептің алқалы органы - қамқоршылық кеңес айқындайтын өзге де санаттарға көрсетіледі.
Көмек ата – аналардың карточкалық шотына ақшалай қаражат аудару арқылы беріледі. Биыл ағымдағы жылға ақшалай көмектің мөлшері 46228 теңгені құрайды.
Қаражатты мақсатты пайдаланылуын қамтамасыз ету үшін ата –аналар 15 күн ішінде оқу құралдарын сатып алу туралы есеп беруі керек.
Шығындарды растау үшін чектер, түбіртектер және алынған заттың фотосы қажет болатынын хабарлайды.
Құрметті ата-аналар, мектепке құжат тапсырар алдында АӘК (атаулы әлеуметтік көмек) алу үшін Таттимбета 709 мекен-жайындағы жұмыспен қамту орталығына баруыңызды сұраймыз. Жұмыспен қамту орталығында ресми жауап алғаннан кейін біз сіздің мектептегі жәрдемақы санатыңызды тексере аламыз. АӘК (атаулы әлеуметтік көмек) өтінімдерін қарастыру үшін белгілі уақыт 15 жұмыс күн қажет, сондықтан «Халықты жұмыспен қамту орталығына» хабарласып АӘК (атаулы әлеуметтік көмек) өтініш беріңіздер.
!!! 1, 2-санатты растауды алу үшін ата-ана немесе заңды өкіл электрондық үкімет порталы(e-gov) (АӘК «Әлеуметтік көмек» қосымша беті) арқылы өтініш береді.
Табысы ең төменгі күнкөріс деңгейінен төмен отбасының жан басына шаққандағы орташа табысын есептеу тетігі АӘК алу тетігіне ұқсас.
АӘК алудан бас тартқан кезде отбасының табысы есептеледі, ол автоматты түрде тиісті ақпараттық жүйеде (мектептің ҰБДҚ базасында) көрсетіледі. Санатты растау 15 күн ішінде қаралады.
Жетім балалар мен ата-анасының қамқорлығынсыз қалған балалар үшін де өтініш және растайтын құжаттар ұсынылады.
Барлық қажетті санатты растайтын құжаттар: Көрсетілетін қызметті алушының жеке басын куәләндыратын құжат (жеке басын сәйкестендіру үшін қажет), баланың туу туралы куәлігі, некеге тұруды немесе бұзуды куәаландыратын құжаттар, жұмыссыз ретінде тіркелгені туралы, атаулы әлеуметтік көмек (АСП) алушыларға тиесілілігі туралы анықтамасы, жан басына шаққандағы табысы ең төменгі күнкөріс деңгейінің шамасынан төмен, мемлекеттік әлеуметтік көмек алмайтын адамдардың табыстары туралы, жетім балалар мен ата-анасының қамқорлығынсыз қалған, қорғаншылыққа немесе қамқоршылыққа, патронаттық тәрбиеге және қабылдаушы отбасына берілген балалар туралы.
Аталған құжаттар тізімдемесін ата-аналар немесе баланың заңды өкілі тиісті мемлекеттік ақпараттық жүйелерден алады.
Құрметті ата-аналар, 2025 жылдың 10 тамызында «Жалпыға бірдей оқу қоры» қаражаты есебінен көмек алушылардың тізімі бекітіледі.
Осыған байланысты, Сізге санатқа қажетті растайтын құжаттарды ұсыну немесе деректерді жаңарту және «Жалпыға бірдей оқу қоры» қаражаты есебінен көмек алуға өтініш беру қажет.
Қарағанды қаласы білім бөлімінің
«Абай атындағы мектеп-гимназиясы»
коммуналдық мемлекеттік мекемесі
Байланыс телефоны: 87753794342
"Мектепке жол" республикалық акциясы
2025 жылдың 01 тамызынан "Мектепке жол"республикалық акциясы басталады. Науқан 2025 жылдың 30 қыркүйегіне дейін жалғасады.
Акцияның мақсаты: аз қамтылған және көп балалы отбасылардан шыққан оқушыларға, жетім балаларға, сондай-ақ ата-анасының қамқорлығынсыз қалған балаларға оқу жылының басталуына дайындық кезінде материалдық қолдау көрсету және әлеуметтік себептер бойынша балалардың мектепке келмеуінің алдын алу. Акция аясында әр бір өмірлік қиын жағдайға тап болған отбасының балалары көмек ала алады. Өз кезегінде, барлық бей-жай қарамайтын азаматтар, кәсіпкерлер, меценаттар акцияға қосылып, мұқтаж жандарға көмек көрсете алады.
Қала тұрғындары мен қонақтарын әрбір балаға шынайы қамқорлықпен назар
аударып, мектепке дайындауда атаулы көмек көрсетуде азаматтық белсенділік танытуға шақырамыз.
Көмекті қажет ететін балалардың ілтипат пен қамқорлыққа бөленіп, олардың қажетті әлеуметтік жағдайының жақсаруы үшін, білім алуы үшін даяр болуына демеу болмақшы азаматтарды «Абай атындағы мектеп-гимназия»КММ-не жолығуын сұраймыз.
115 кабинет. Тел: 8-775-379-43-42
Жақсылық жасауға асығайық!
