Бірінші сыныпқа құжаттарды баланың ата-аналарынан және заңды өкілдерінен қабылдау 2025 жылдың 1 сәуірінен 31 тамызына дейін және екі жолмен e.bilimal.kz немесе «Egov.kz электрондық үкімет» порталы арқылы жүзеге асырылады.  

Мектептер бірінші сыныпқа балаларды алты жастан және 2025 жылдың соңына дейін алты жасқа толатын балаларды қабылдайды. Мектептерге қызмет көрсету аумағы бекітілген. Мектеп қабылдау кезінде дайындық деңгейіне қарамастан, қызмет көрсету аумағында тұратын барлық балалардың қолжетімділігін қамтамасыз етеді.

Мемлекеттік қызмет көрсету үшін қажетті құжаттардың тізбесі -порталға:

1) "Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан білім беру ұйымдарына құжаттарды қабылдау және оқуға қабылдау" мемлекеттік қызметін көрсетуге қойылатын негізгі талаптардың тізбесіне сәйкес нысан бойынша ата-аналардың немесе басқа заңды өкілдердің өтініші;

2) "Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген "Профилактикалық екпелер картасы" № 065/у нысанды және "Бала денсаулығының паспорты" № 052-2/у нысанды медициналық анықтамалар;

3) баланың 3х4 см өлшеміндегі цифрлық фотосуретi.

Қарағанды қаласының жалпы білім беретін мектептеріне қабылдау мәселелері бойынша 507881 телефоны бойынша хабарласуға болады.

  Мектебіміздің биология пәнінің мұғалімі Кәкім Райымбек Маратұлы Петропавл қаласында өткен "Жаңа Қазақстан: жас педагогтердің рөлі" І жас педагогтер форумына қатысып қайтты.   

  Форумның мақсаты - жас педагогтердің кәсіби қалыптасу мәселелеріне назар аудару, олардың кәсіби өсуі үшін жағдайларды жақсарту, шығармашылық әлеуетті дамыту

22 қыркүйек 2022 жылы  ZERDELI ақыл-ой дамыту орталығының ұйымдастыруымен 2-6 сынып оқушыларының арасында мектепішілік "Алтын асық" математикалық олимпиадасы өткізілді. Білім олимпиадасына жалпы 110 оқушы қатысты. Оқушыларымызға келесі қалалық кезеңге өтуге сәттілік тілейміз!

    2022 жылдың 21 қыркүйек күні "Абай атындағы мектеп-гимназиясы" КММ асхана өнімдерінің сапасын қадағалау және тамақтану блогының санитарлық-гигиеналық жағдайын тексеру мақсатында мониторинг жүргізілді. Бракераждық комиссия мүшелері мектеп асханасының ас блогын, қоймадағы тамақтардың дұрыс сақталуын, ыдыс тұратын блогтарды және ас мәзіріне сәйкес тағамдардың дайындалуын т.б. тексерді. Тексеріс қорытындысы бойынша күрделі олқылықтар анықталған жоқ. Барлығы санитарлық талаптарға сай.