ҰБТ дайындық барысында педагогтарға кеңес

         Мұғалімдер оқу үрдісінде тест технологияларын белсенді енгізу керек. Соңғы жылдары көптеген пән бойынша тест жинақтары басып шығарылуда. Бұл тест тапсырмалары 5-11 сыныптарға арналған және ҰБТ кіретін барлық пәндерді қамтиды. Олардың көмегімен оқушылардың оқу материалын меңгеру деңгейін бағалауға және тест тапсырмаларымен жұмыс жасау дағдыларын қалыптастыруға болады.

Мұндай жаттығу жұмыстары ҰБТ  тапсыруда жоғары балға қол жеткізуге мүмкіндік береді. Тест тапсырмаларының типтік құрылымын біле отырып, оқушы нұсқауды меңгеруге уақыт жұмсамайды. Соныымен қатар, жаттығу  жұмыстарын орындауда қажетті психотехникалық дағдылар қалыптасады.

Негізгі жұмысты емтихан алдында емес, ертерек, өтілген тақырыптар бойынша сынақ тапсыруда жүргізу керек.

Оқушылардың оқу үрдісінде меңгерген психотехникалық дағдылары ҰБТ-ге дайындықтарын жетілдіреді.

Кейбір мектеп бітірушілердің психикалық ерекшеліктерін ескере отырып ( темпераменті, тұлға типі, мінез ерекшелігі), жекелеген жұмыстар жүргізу.

Сабақ барысында оқушыға қолдау көрсету арқылы өзіне деген сенімділікті арттыру.