«Сиқырлы оқиғалар әлеміне» ертегілік саяхат: Сүйікті кітаптармен бірге өткен демалыс!
Күзгі демалыс — зерігуге уақыт емес, таңғажайып жаңалықтар ашатын сәт! Бүгін мектеп кітапханамыз ерекше қарбалас пен шаттыққа толды: 2-сынып оқушылары «Сиқырлы оқиғалар әлеміне» атты ертегілік саяхатқа шықты.
Біз балаларға арнап, қызықты әрі көңілді оқу сағатын өткіздік. Бірге отырып, сиқырлы кітаптардың беттерін парақтадық, жұмбақ соқпақтармен жүріп өттік, ең мейірімді, дана әрі сүйікті ертегілерге қайта оралдық. Өйткені, дәл осы ертегілер арқылы біз жақсылық пен жамандықты ажыратуды, адалдықты, сенімділікті және әділдікті қадірлеуді үйренеміз.
Кітап оқығаннан кейін, жас оқырмандарымыз сұрақ-жауап викторинасына белсене қатысты. Екінші сынып оқушылары сұрақтарға жауап беруге және жасырылған ертегі кейіпкерлерін табуға таласа кірісіп, демалыс кезінде кітаптың олар үшін ең жақын дос екенін дәлелдеді!
«Оқитын мектеп» бастамасы аясындағы кітапханалық демалыс бағдарламамыз жалғасуда, алда әлі талай қызықты шаралар күтіп тұр. Ал әзірге, кітап парақтарын ақтара беріңіздер!
#ЗаңЖәнеТәртіп
#ОқитынҰлт
#АдалАзамат
#ОқитынМектеп
#КітаппенБіргеДемалыс
#МектепКітапханасы
#ДауыстапОқу
#ЕртегілерӘлемі
#Кітапхана
Авторство: