"Кітап оқитын ұлт" жобасы аясында 2 "А" сынып оқушылары кітапханаға барып, қызықты кітаптармен танысты. Оқушылар кітапхананың тыныш әрі жайлы ортасында ертегілер, танымдық әңгімелер мен балалар әдебиетін қызыға оқыды.
Кітапханашы балаларға кітапты дұрыс таңдау, күтіп ұстау және ұқыпты пайдалану туралы түсіндіріп өтті. Оқушылар өздеріне ұнаған кітаптарын таңдап, мазмұнымен бөлісті.
Сонымен қатар, жоба аясында оқушылардың үйде кітап оқу сәттері де назардан тыс қалған жоқ. Ата-аналармен бірлесе отырып, балалар бос уақыттарын тиімді өткізіп, кітап оқуды әдетке айналдыруда. Үйде оқылған әр кітап – баланың ой-өрісін кеңейтіп, сөздік қорын дамытудың маңызды қадамы.
Біздің мақсатымыз – кітап оқуды күнделікті өмірдің ажырамас бөлігіне айналдыру және білімді, ойлы ұрпақ тәрбиелеу.
Авторство:
