2026 жылғы 09 ақпанда №79 негізгі орта мектебінде жалпы мектептік саптық жиын өтті.

Директордың тәрбие ісі жөніндегі орынбасары Л.М.Назарова білім алушыларға ақпан айының құндылығы — «Жасампаздық пен жаңашылдық» екені туралы еске салып, айдың екінші аптасының «Шығармашыл бала — ойлы бала»дәйексөзімен таныстырды.

Саптық жиын барысында Л.М.Назарова білім алушылар мен педагогтарды Қарағанды қаласының күнімен құттықтап, 14 ақпанда атап өтілетін Халықаралық кітап сыйлау күнітуралы ақпарат берді. Сонымен қатар 15 ақпан — Кеңес әскерлерінің Ауғанстаннан шығарылған күніекенінатап өтіп, бұл күннің тарихи маңызына ерекше тоқталды.

Сондай-ақ 2026 жылғы 11 ақпанда аталған күндер аясында және «Өнегелі өмір»жобасы шеңберінде Ауған соғысының ардагерлері — интернационалист жауынгерлермен кездесу өтетіні хабарлады.

Одан кейін мектеп директоры А.Д.Бакирова сөз сөйлеп, білім алушыларға мектептің ішкі тәртіп ережелерін сақтау, тәртіпті болу және мектеп мүлкіне ұқыпты қарау қажеттігін естеріне салды.

Саптық жиын соңында қалалық және облыстық деңгейдегі спорттық жарыстарға белсенді қатысқан білім алушылар марапатталды.