«Заң және тәртіп» айлығы аясында 2026 жылғы 13 қаңтарда «№79 негізгі орта мектебінде» мектеп инспекторы, полицияның аға лейтенанты Нисипбек Сәбит Назымбекұлының қатысуымен профилактикалық дәріс өткізілді.

      Кездесу барысында оқушылардың құқықтық мәдениетін қалыптастыруға және қауіпсіз мінез-құлық дағдыларын дамытуға бағытталған өзекті әрі маңызды тақырыптар қарастырылды. Инспектор төмендегі тақырыптар бойынша түсіндіру жұмыстарын жүргізді:

• «Буллинг және оның салдары»;
• «Кибербуллинг: жауапкершілік және қорғану жолдары»;
• «Кәмелетке толмағандардың түнгі уақытта ересектердің еріп жүруінсіз көшеде жүруі»;
• «Жасөспірімдер арасындағы құқық бұзушылықтың алдын алу»;
• «Кәмелетке толмағандардың құқыққа қайшы әрекеттері үшін жауапкершілігі».

Мектеп инспекторы оқушыларға Қазақстан Республикасының заңнамаларының негізгі талаптарын түсіндіріп, құқық бұзушылық әрекеттердің салдары туралы айтып өтті. Сонымен қатар интернет желісін қауіпсіз пайдалану және мектеп ортасында жанжалдардың алдын алу бойынша практикалық кеңестер берді.

     Кездесу соңында оқушылар өздерін қызықтырған сұрақтарын қойып, нақты әрі мазмұнды жауаптар алды. Өткізілген дәріс оқушылардың құқықтық сауаттылығын арттыруға және заң мен тәртіпті сақтауға деген жауапкершілікті қалыптастыруға ықпал етті.