Қазақ тілінің латын әліпбиіне көшірілуі туралы Елбасы жолдауына қолдау көрсету, латын әліпбиіне көшудің ерекшеліктерін жалпы білім беретін мектеп мұғалімдері мен жоғары сынып оқушыларына насихаттау мақсатында №92 гимназияда 2018 жылдың 5 сәуірінде «Өрлеу» БАҰО» АҚ филиалы Қарағанды облысы бойынша ПҚ БАИ ұйымдастыруымен «Латын әліпбиі ерекшеліктері» атты дөңгелек үстел өткізілді.

Іс-шараға Е.Бөкетов атындағы ҚарМУ-дың профессоры, филология ғылымдарының докторы Ж.Қ.Смағұлов, «Болашақ» академиясының доценті, филология ғылымының кандидаты А.М.Бабашев, «Өрлеу» БАҰО» АҚ филиалы Қарағанды облысы бойынша ПҚ БАИ ТжТӘ кафедрасының аға оқытушысы К.Г.Смагулова және кітапхана басшысы А.Н.Бухарбаева мен бас маман Т.С.Туғанбаева, ардагер ұстаздар, ҚРбілім беру ісінің құрметті қызметкерлері Т.Әміртаев және О.Сухамберлин және ҚББ әдіскері Г.Б.Жаркеева, «№92 гимназия» КММ директоры К.Сейтимбетова және гимназия мұғалімдері мен 10-11 сынып оқушылары қатысты. Қатысушылар латын әліпбиіне көшудің маңыздылығы, ақпараттық құралдарда талдану, насихаттау мәселесі, әліпбидің ерекшелігі, әлемдік тәжірибелер нәтижесі туралы құнды пікірлерін ортаға салды және оқушылардың латын әліпбиіне байланысты сұрақтарына жауаптар берілді.