2 «А» сынып оқушылары сынып жетекшісі Акмагамбетова Акшегуль Мажитовнаның ұйымдастыруымен «Анашым, анажаным» тақырыбында аналар мен әжелерге тарту ретінде тәрбие сағатын көрсетті. Қойылған шара оқушылардың жас ерекшелігін ескере отырып, әзіл – қалжың аралас, би, әнмен өрнектеліп, көрермендер көңілінен шықты. Аналар, әжелер рөлдерін сомдап оқушылар актерлік шеберліктерін танытты. Шараға қатысып, көрушілер оқушылар өнеріне дән риза болып, сынып жетекшісіне алғыстарын білдірді.