1 наурыз 2018 жылы «№92 гимназия» КММ аясында «Біздің айналамыздағы математика» педагогикалық жобасы аясында «Функционалдық сауаттылық-оқушылардың өзгермелі өмірге бейімделуінің шарты» тақырыбында облыстық семинар өтті. Семинарға жобаға енген №15, 53, 66, 76, 92 мектептің бастауыш сынып ұстаздары қамтылды. Семинардың мақсаты: бастауыш сынып оқушыларының математикалық сауаттылығын қалыптастырып, алған білімдерін өмірде қолдана алуға үйрету. Семинар 4 блоктан тұрды. І блокта «Ашық сабақтар», ІІ блокта «Сыныптан тыс іс – шаралар», ІІІ блокта «Ата – анамен жұмыс», І˅ блокта «Шеберлік сағаттар» қарастырылып, мұғалімдер өз жұмыстарында математикалық сауаттылықты қалыптастыру жолдарын ашып көрсете білді. Семинар өз мақсатына жетіп, келген бастауыш сынып мұғалімдері ризашылығын білдірді.

Семинарда оқушылардың жасаған жұмыстарынан керемет көрме ұйымдастырылды. Әр жұмыс соңынан рефлексия жасалып, облыс мектептерінен келген ұстаздар өз тілектерін білдіріп, шара өткізуші ұстаздарға жылы лебіздерін білдірді. Осы жоба аясында мұғалімдердің дайындаған өнімдері де атап, көрсетілді. №53 лицей оқушылары ұсынған «Математикалық сән» үлгілерінің барлығы қолданбалы математикаға сай жасалып, көпшілік көңілінен шықты. Жалып осы жоба аясында қалада математика пәніне байланысты ұйымдастырылған шаралар бойынша оқушылардың қорғаған жоба жұмыстары, қолөнер бұйымдары, мұғалімдердің өнімдері – барлығы осы жоба аясында атқарылған іс – шаралардың жоспар бойынша өткізілгенінің айғағы болды. Келген ұстаздар ыстық ықылас, лебіздерін білдіріп, ұстаздарға алғыс айтты.