№92 гимназияда 11 сынып оқушыларымен «ҰБТ-ға дайындық этаптары» тақырыбында жаңа форматты сынаққа дайындықты ұйымдастыруға байланысты және психологиялық тұрғыда дайындалу заңдылықтары талданған отырыс болып өтті. Отырыста 11 сынып оқушылары алдағы ҰБТ-ға қатысты сұрақтарын гимназия әкімшілігіне қойып, жан жақты жүйелі дайындықтың болуына қажетті амалдар мен тәсілдерді талқылады. Гимназия психологы оқушыларға күн режимі, тиімді тамақтану маңыздылығы, ақыл –ой мен дене еңбегінің алмасып отыруы жайлы және есте сақтау, ойлауды дамыту, қобалжуды болдырмау, сенімділікті арттыруға бағытталған топтық психологиялық консультация беріп өтті.