28.08.2017 жылы гимназияда «Қазақстанның жаңғыруы 3.0 - білімнің үлесі» тақырыпта педагогикалық кеңес өтті. Гимназия директоры өткен оқу жылы барысындағы атқарылған жұмыстарды талдай отырып, жетістіктерге баса назар аударды, жаңа оқу жылына белгіленген міндеттерге тоқталды. Талдау барысында ҰБТ мәселесіне ерекше көңіл бөлінді. Сонымен қатар, үстіміздегі оқу жылында гимназия «Үш тілде білім беру» жобасына енгендіктен, 8-сыныптарда физика пәні ағылшын тілінде өтетіндігі туралы айтып, оқу жоспарының вариативті бөлігінде оқушыларға «Ағылшын тіліндегі физика бастамалары» атты курс жүргізілетіндігін мәлімдеді.
Директордың оқу ісі жөніндегі орынбасары А.Б.Сағатова 2017-2018 оқу жылына ҚР жалпы орта білім беретін ұйымдарында оқу процесін ұйымдастырудың ерекшеліктері туралы әдістемелік нұсқау хатпен таныстырып, әр мұғалімге мұқият зерделеп, басшылыққа алу туралы ұсынды.
Авторство:
