Чернобыль атом электр станциясындағы апатқа 31 жыл толуына байланысты оқушыларға патриоттық тәрбие беру мақсатында Қарағанды облыстық «Чернобыль-Семей ардагерлер одағының» ардагерлері Мынжасаров Дауренбек Ибрагимович пен Баекенов Мейрамбек Каримовичпен кездесу өткізілді. Кездесуге №92, 38 гимназия, №63 орта мектептердің 9-10 сынып оқушылары қатысты. Кездесу барысында ардагерлер 1986 жылғы Украинадағы Чернобыль атом электр станциясында болған апат туралы, апат нәтижесінде Украинаның елеулі аумағы мен Ресейдің Брянск және Калуга облыстарының аумағы радиоактивтік ластануға ұшырап, адамдардың өміріне қауіп төнгендігін, жақын жерде тұратын халықтың басқа жерлерге көшірілгендігі туралы айтты. Апатты залалсыздандыруға Қазақстан азаматтары да тартылғандығын, ол уақытта қазіргі ардагерлер 25-35 жаста болғандарын, көз алдарында қаншама қатарластарының ауыр дерт жұқтырып, көз де жұмғандығын айтып өтті. Апатзардабы қаншалықты ұзаққа баратыны әлі белгісіз екендігін айта отырып, 26 сәуір күні қаза болғандарға тағзым етуді, кездесулерге келіп, жас ұрпаққа өздерінің өмір тарихтарымен бөлісуді борыштары санайтындығын айтып өтті. Бейнекөріністер көрсетілді.
Кездесу соңында №92 гимназия оқушылары Марат Айгерим мен Әміртай Сабина ардагер ағаларына алғыстарын білдірді. Үйірме жетекшісі Х.А.Көрікбаев пен тарих пәні мұғалімі Д.Н.Утжанов та кездесуге белсене араласып, өздерінің ойларымен бөлісті.
Авторство:
