№92 гимназияның психологтары Д.К.Туякбаева және Ш.С.Карипжановалардың ұйымдастыруымен «Еңбек пен шығармашылықтың бастауы-кәсіби бағдар» тақырыбында психологиялық ағарту – кеңес беру бағытындағы сұхбат кеш болып өтті. Сұхбат кешке 9 сыныптың оқушылары мен ата-аналары, негізгі орта білім беру ұйымының мамандары және гимназия әкімшілігі қатысты. Сұхбат кештің негізгі мақсаты – негізгі орта мектеп бітірушілермен мамандық таңдаудағы жауапкершілікті айқындай отырып, кәсіп таңдаудағы себептері мен факторларына байланысты мағлұмат беру арқылы кәсіби анықталуын тұрақтандыру, кәсіби бағыт-бағдар беру, оқушыларды психологиялық қолдау болып табылады. Шараға қатысқан 9 сыныптың оқушыларына мамандық әлемі туралы жан жақты мағлұматтар беріліп, психологиялық кеңестер ұсынылып, мамандық таңдаудағы мотивтер мен қателіктер, факторлар талданды. Ата-ана мен бала арасында мамандық таңдауға байланысты психологиялық жаттығулар, ойындар өткізіліп, ата-аналар өздерінің мамандық таңдаған сәттеріндегі оқиғаларымен бөлісті. Сонымен қатар гимназия кітапханашысы Ү.И.Макатова «Мамандық таңдаудың қыр-сыры» тақырыбында көрме ұйымдастырып, оқушылар гимназия ктапханасының рухани қазынасымен бөлісті. Сұхбат кеш оқушылар үшін де, ата-ана үшін де тиімді өтіп, келген негізгі орта білім беру мамандарымен сабақтастық байланыс жоғары деңгейде көрініп, Қарағанды гуманитарлық колледжінің музыка бөлімінің студентінің әсем әнімен өз мәресіне жетті.