Елбасы Н.Ә.Назарбаевтың Қазақстан халқына 2017 жылғы 31 қаңтардағы «Қазақстанның үшінші жаңғыруы: жаһандық бәсекеге қабілеттілік» атты Жолдауы гимназия ұжымы арасында қаралып,  жолдауда қойылған маңызды міндеттер талданды. Тарих пәні мұғалімі М.С.Сулейменова жолдаудағы төртінші басымдық – адами капитал сапасын жақсартуға тоқталды. Білім беруді экономикалық өсудің жаңа моделінің орталық буынына айналдыру, оқыту бағдарламаларын сыни ойлау қабілетін және өз бетімен іздену дағдыларын дамытуға бағыттау қажеттігіне, үш тілді  оқуға кезең-кезеңмен көшу мәселесіне тоқталды.