Қарағанды облысында білім беруді дамытудың оқу – әдістемелік орталығы ұйымдастыруымен өткізілген «Біздің мүмкіндіктеріміз» (функционалды сауатты мұғалім) кәсіби шеберлік облыстық байқауының ІІ турына жолдама алып, «№92гимназия» КММ бастауыш сынып мұғалімі Акмагамбетова Акшегуль Мажитовна, биология пәнінің мұғалімі Балапанова Құндыз Сериковна, информатика пәнінің мұғалімі Кушекова Айжан Жамбуловна, гимназия психологы Туякбаева Данагуль Кабдырашевна өздерінің осы тақырып төңірегіндегі білімдері мен іскерліктерін көрсете білді. «Медиа және ақпараттық сауаттылық», «Сыни жағдай» аялдамаларында ең жоғары ұпай жинап, көпшіліктің көңілінен шықты. «Оқушымен әңгіме», «Ата – анамен әңгімелесу», «Әдістемелік бірлестік» аялдамаларында берілген тақырыпты толығымен ашып, тапқырлықтарымен де көзге түсті. Сөйтіп, бұл ұстаздарымыз сайысқа түскен 15 білім беру мекемелерінің арасынан озып шығып, І орынды иеленді. Алда ІІІ кезең сайысы күтіп тұр. Осы сайыста озып шығып, «Ең функционалды сауатты тұлға» жеңімпазы атануларына тілектеспіз.