№92гимназияның бастауыш сынып мұғалімдері Акмагамбетова Акшегуль Мажитовна, Қаймолла Айнұр Төлеуғазықызы «Оқушылардың оқу жетістіктерін бағалау рәсімдерін практикалық тұрғыда қолдану жолдары» тақырыбында облыстық семинар өткізді. Бұл семинарға биылғы оқу жылында 1 – сынып алған және келесі оқу жылында 1 – сынып алатын облыс көлеміндегі кемістігі бар балаларды оқытатын мектептердің ұстаздары жиналды. Жаңартылған білім беру бағдарламасы, бағалау рәсімдері жайлы мағлұмат берген соң, практикалық тұрғыда «Магнит» тақырыбында шеберлік сыныбын өткізді. Семинарға келген тыңдаушылар алғыстарын білдіріп, осындай семинарлардың болып тұруы қажеттілігіне де тоқталды.