«№92 гимназия» КММ бастауыш сынып оқушылары «1 қазан - Қарттар күні» мерекесіне орай "Қарағанды облысының Қарағанды қаласы қарттар мен мүгедектерінің "№1 медициналық-әлеуметтік мекемесінде концерттік қойылым көрсетті.
Аталмыш шараның мақсаты қарттар мен мүгедектер үйін мекен еткен барша жандардың жүрегіне жылу сыйлау, халқымыз ежелден қазына деп есептеген қарияларымызды қадірлеуді, сыйлауды болашақ жас жеткіншек тердің бойына сіңіру, оларды имандылыққа, адамгершілкке баулу болып табылады.
Мерекелік қойылым барысында барша жас бүлдіршіндер бар өнерін ортаға салды. Біреуі әуелетіп ән шырқаса, енді бірі би билеп, тағы біреуі мәнерлеп өлең оқыды.Мектеп ұстаздарының қолдауымен ұйымдастырылған концерттік қойылым сонында қарттарға сыйлықтар беріліп, дайындап әкелген тәттілер ұсынылды. Жалғаннан жаза басып, жалғыздықпен арпалысқан жандар үшін бұл қойылым ерекше әсер мен керемет көңіл күй сыйлады. Барша қарттар оқушылар өнеріне тәнті болып, ризашылықтарын жаудырды.
Авторство:
