20.02.2016ж. күні №92 гимназияда рухани-адамгершілік білім беру  пилоттық жобасы аясында гимназия педагог-психологы Д.К.Туякбаева және 11 «Ә» сынып жетекшісі А.Ж.Кушековалардың ұйымдастыруымен рухани құндылықтар арқылы болашақ талапкерлерімізге кәсіби бағыт-бағдар бере отырып, мамандық таңдаудағы жауапкершілікті қалыптастыру, өзін-өзі тану аймағын кеңейту, болашақтағы мамандығына деген сүйіспеншілігін арттыру мақсатында «Мамандық – өмір бастауы» тақырыбында сұхбаттасу кеші болып өтті. 11 сыныптармен өткен бұл кәсіптік бағдар беру ісіне гимназия әкімшілігі, өзін-өзі тану пәні мұғалімдерімен қоса, Ұлттық қауіпсіздік комитетінің ардагерлер кенесінің төрағасы А.А.Ахметжанов, Қазыбек би ауданы сотының судьясы Е.Маукен, ҚР ІІМ Бәрімбек Бейсенов атындағы академиясының оқытушысы Н.Тулеубаева, ТОО «Қазақмыс» орталығының экономист маманы Б.Қ.Такишев, «Ұлттық компания» АҚ «Қазақстан Темір жолы» филиалының директорының орынбасары Б.И.Альмурзаевтар мамандар ретінде қатысса, 11 сынып ата-аналар қауымдастығының атынан  А.М.Қоянбаева және А.Т.Тулеевалар, ҚР ІІМ Қарағанды қаласының Бәрімбек Бейсенов атындағы академиясының 3 курс студенттері, гимназиямыздың түлектері, А.Құнанбай және А.Исатай, Болашақ академиясының фармацевтика факультетінің 2 курс студенті С.Рахымбай, педагогика және психология факультетінің 2 курс студенті Қ.Сәтбек, қазақ әдебиеті мамандығының 2 курс студенті С.Мұстафин, университет табалдырығын алғаш аттаған 1 курс студенттері Б.Қадылова, А.Сұлтанбековалар өз мамандықтарын таңдаудағы себептерімен, әсер еткен қызықты оқиғаларымен бөлісіп, оқушыларға пайдалы кеңестерін берді. Сұхбат барысында 11 сынып түлектері ұлы ойшылдарымыздың қанатты сөздерінің мәнін ашып, мамандыққа байланысты дәріс барысында әртүрлі саладағы мамандық шеңберіне баулып, болашақтағы қызмет ету аймағы туралы ақпараттармен танысып, таңдаған мамандықтарына байланысты келген мамандарға, қонақтарға сұрақтарын қойып, өзара пікір алмасты. Сұхбат жүздесуде оқушыларға болашақ мамандығын жүрек қалауымен, қызығушылық-қабілеті аясында таңдауы, өзінің болашақта сүйіп айналысатын кәсібі болу керектігінің маңыздылығы жайлы айтылып өтті. Сұхбат соңы келген қонақтарға жас ұрпаққа кәсіби бағыт-бағдар беру ісіне ұшқыр ойы мен білім-білік дағдысын танытып, тәжірибесімен бөліскені үшін гимназия директорының алғысхатымен марапатталып, тамаша топтық әнмен өз мәресіне жетті.