№92 гимназияда 11 сынып оқушыларына арналған  «Табысқа жеткізер жол!» тақырыбында коррекционды-дамыту, кеңес беру психологиялық  сағаты өткізілді.  Психологиялық сағат барысында оқушылармен ширату жаттығуларынан соң, Ұлттық Бірыңғай Тестілеу табысты тапсыру жоспары  жасалынып, сол жоспардың орындалуына қажет мүмкіндіктер мен әрекеттер талқыланды.  Ұлттық Бірыңғай Тестілеу ассоциациялары талданып, оқушылардың оған қатысты көзқарастары мен пікірлері ортаға салынды. Қойылған жоспарды іске асыру мақсатында әр оқушы өзінің мақтан тұтатын қасиеттерін, сенімді жақтарын айтуға тырысты.  Алдағы сынаққа дайындалуда қажет танымдық процестерге , психологиялық жай-күйге , өзін-өзі реттеуге , бағалауға байланысты психологиялық кеңестер ұсынылды.