19.11.2015 жылы «Қарағанды қаласының инновациялық ұйымдарында білім беру мазмұнын жаңартудың негізгі бағыттарын іске асыру» тақырыбында ашық есік күні өтті.
Инновациялық мектептер жұмысын көрсетуде «№92 гимназия»КММ «Мәңгілік ел жолы-білім ордасында» тәжірибе алмасу мақсатында ашық есік күнін өткізді.
Қарағанды облысының оқу-әдістемелік орталығының директоры Г.Ш. Қожахметова, оқу –әдістемелік орталығының директорының орынбасары Б.Х. Абдикерова, Қарағанды қаласының білім бөлімінің әдістемелік кабинет меңгерушісі Э.А.Раманаускайте, инновациялық жұмыстар жөніндегі әдіскері Г.Т. Хасеновалар және облыс мектептері мен қала мектептерінің басшылары мен орынбасарлары қатыстып, гимназияның қазіргі бағыттағы жүргізіліп жатқан жұмыстардың нәтижесімен танысты.
Семинарды гимназия директоры А.О.Мусина «Білім мекемесі- рухани тәрбиенің озық үлгісі» тақырыбында гимназияның жалпы жұмыс бағытымен таныстырып өтті.
«Білім берудегі инновация: ізденіс және нәтиже» тақырбында директордың ғылыми-әдістемелік ісі жөніндегі орынбасары Г.Б.Илимбаева «Жас талап» ОҒҚ жұмысымен таныстырып, жүйелі жұмыс барысында нәтижеге қол жету жолдарымен ой бөлісті.
Сөз кезегі «Жас талап» ОҒҚ бірлесе отырып жұмыс жасау барысында «Кәсіби білім берудегі ғылыми және инновациялық үрдістер» (ғылыми жобаларды дайындау арқылы оқушыларды шығармашылық ізденіс арқылы кәсіби мамандық таңдауға бейімдеу) жұмыстары туралы Е.А.Бөкетов атындағы Қарағанды мемлекеттік университетінің философия ғылымының кандидаты, профессор Ф.Ф. Саттароваға берілді.
Тәрбие саласында «Ұлттық рух-тәлім-тәрбиенің тарихи, рухани тұғыры» тақырбында қосымша білім беру, сыныптан тыс жұмыстардағы кәсіптік бағдар беру, рухани тәрбие беру жұмыстарының барысы туралы директордың тәрбие ісі жөніндегі орынбасары Ш.Ө.Алиева таныстырды.Семинарға қатысушылар «Рауан» драма үйірмесіне жетекшілік ететін К.Т.Толеуханованың ұйымдастыруымен оқушылардың «Қарашаңырақ» атты сахналық көріністі тамашалады.
Рухани құндылықтар көзі- этномұражай екендігі белгілі. Гимназиямызда «Тарих сандығы» этнографиялық мұражайда жетекшісі Ж.И.Уктаеваның басшылығымен А.Құнанбаевтың 170 жылдық мерей тойына арналған «Абай-халық данасы» атты көрмемен гимназия саяхатшылары үш тілде таныстырды.
Семинардың рефлексия бөлімінде мектеп басшылары бүгігі семинардан алған әсерлерімен бөлісіп, жақсы ниет тілектерін білдірді.Семинарды Қарағанды облысының оқу-әдістемелік орталығының директоры Г.Ш. Қожахметова және Қарағанды қаласының білім бөлімінің әдістемелік кабинет меңгерушісі Э.А.Раманаускайте қорытындылады.
Авторство:
