Қарашаның 10 күні №92 гимназияда Қарағанды облысының білім басқармасының «ҰБТ-2015 жылдың қорытындысы бойынша жоғары көрсеткіш мектептердің тәжірибесін тарату» семинары болып өтті. «№92 гимназия» КММ арнайы бағдарлама жасалып бекітілді. Гимназия директоры А.О.Мусина «Шығармашылық ізденіс – білім сапасына жетудің жолы» атты тақырыпта гимназияның іс тәжірибелерімен бөлісті. Оқу тәрбие ісі жөніндегі орынбасары А.Б.Сагатова «Оқытудың әдісін жетілдіру – кәсіби іс-әрекеттің негізі» тақырыбында іс – тәжірибе алмасты. Гимназия психологы Д.К.Туякбаева мектеп басшыларына «Позитивті ойлау бақыты және салауатты өмірдің негізі» тақырыбында тренинг жүргізді. Семинар өз мақсатына жетті. Мектеп басшылары семинардың берері мол, тәжірибе алмасу өте қажет екендігін баса айтып, рахметтерін білдірді. Қарағанды облысының оқу әдістемелік орталығының әдіскері Калекина Бакытгуль Аманжоловна сөз сөйлеп, семинардың қорытындысын жасады.
Contacts
