Қарашаның 2- жұлдызында №92 гимназияда «Өрлеу» БАҰО АҚ филиалымен бірлесе отырып ««Өзін – өзі тану» рухани-адамгершілік білім беру бағдарламасы бойынша біліктілікті арттыру курсының 3(үшінші) базалық деңгейі аясында тәжірибе алмасу мақсатындағы шеберлік сабақтар»  тақырыбында облыстық семинар өтті. Семинарда «Өзін – өзі тану» пәнінің жаңа формасымен бастауыш сынып мұғалімі А.М.Тунгушбаева сабақ берсе, «Өзін – өзі тану» пәнін басқа пәндермен интеграциялау сабақтарынан төмендегі мұғалімдер сабақтар беріп, өз іс-тәжірибесімен бөлісті: тарих пәнін «Өзін – өзі тану» пәнімен интеграциялау – Д.Н.Утжанов, қазақ тілі пәнін «Өзін – өзі тану» пәнімен интеграциялау – Ж.Ж.Намазбаева, ағылшын тілі пәнін «Өзін – өзі тану» пәнімен интеграциялау – А.Н.Байгазиева. Рухани-адамгершілік қайнар көзі – мұражай. Мұражайда 3 тілде «Абай – халық данасы» атты көрме келген ұстаздарға ұсынылды. «Өзін – өзі тану» рухани-адамгершілік білім беру эксперименттік жоба жүзеге асқанан бері гимназияда атқарылып жатқан жұмыстарға директордың ғылыми – әдістемелік ісі жөніндегі орынбасары Г.Б. Илимбаева тоқталып өтті. «Өрлеу» БАҰО АҚ филиалында біліктілікті арттыру курсынаоблыстың барлық аймағынан келген мұғалімдер гимназия мұғалімдерінің сабағына қатысып, тәжірибе алмасты.