№92 гимназияда психологиялық қызмет  жоспарына  сәйкес эстетикалық пәндер  бірлестігінің  онкүндігі аясында «Бір ұжым, Бір мақсат, Бір нәтиже!» тақырыбында педагогтармен жұмыс өткізілді. Жұмыстың мақсаты: Ұжымдағы әлеуметтік-психологиялық ахуалды сақтай отырып, бірыңғай талап етушілік пен бір нәтижеге бағытталған мақсатты іс-әрекеттің маңыздылығын көрсету болып табылды. Жұмыс барысында гимназия педагог-психологы Д.К.Туякбаева педагогикалық ұжымға «Мұғалімнің психологиялық портреті», «Мұғалімнің өз еңбегіне қанағаттану деңгейін бағалау»  әдістемелерінің қорытынды нәтижесімен таныстырып, педагог іс-әрекетінің маңыздылығы мен жауапкершілігіне бағытталған педагогикалық – психологиялық кеңес беру жұмысын ұйымдастырды. Жұмыстың ІІ бөлімі кәсіби іс-әрекетке жаңа қадам басқан жас мамандармен жұмыспен ұласты. Яғни, жас мамандардың мұғалім болудағы көзқарастары ортаға салынып,  оқушыны танып білу, іс-әрекет барысында оның жеке дара ерекшеліктері мен жас ерекшеліктерін есепке алуға байланысты тренинг элементтері мен жаттығулар жүргізілді.  Жұмыс соңы «Ұстаз және Шәкірт туралы» тәлімі мол аңызбен қорытындыланып, рухани-адамгершілік даму пилоттық жобасы аясында, оқушылармен жұмыста рухани-адамгершілік құндылықтар негізінде дұрыс әрекет атқарылып, ақиқат айтылып, ішкі тыныштығымыз орнаса, шәкірттерге деген сүйіспеншілігіміз шексіз болса, барлығымыз бір ұжым болып, бірыңғай талап қойып,  әрдайым ізденісте, шығармашылық шабытпен қызмет атқарсақ, соңы бір нәтижеге жететініміз анық екендігі жайлы айтылды.