«Біз балаларымызды қалай қорғаймыз?» тақырыбындағы оn-line режиміндегі облыстық жалпы мектепішілік ата-аналар жиналысына №92 гимназия ата-аналары да қатысып, on-line режимінде Қарағанды облысы Білім басқармасының басшысы Аймағамбетов Асхат Қанатұлының осы іс – шараның маңызы туралы сөзі тыңдалды. Күн тәртібіндегі мәселелер бойынша «ҚР нормативтік-құқықтық актілерін түсіндіру: балаларға зорлық- зомбылық көрсету және қатал қараудың алдын алу»,  «Бейәлеуметтік жүріс-тұрыстың алдын алу»,  «Интернет желісін пайдалануда балалардың ақпараттық қауіпсіздігін қамтамасыз ету мақсатында «Ата – аналар бақылауы» және «Интернетке тәуелділікті болдырмау» тақырыптарында ақпараттар  беріліп, «Балаларыңызды  ұрмаңыздар»,  «Мульт интернет - тәуелділік» бейнероликтері ата-аналардың назарына ұсынылды. Жиналыстың қорытындысы бойынша  ата-аналардың ұсыныс-пікірлері тыңдалып, сұрақтарына жауаптар берілді. Жиналыс соңында ата – аналарға жиналыс тақырыбы бойынша ақпараттық жадынамалар мен бүкпе қағаздар таратылды.