1 қыркүйек №92 гимназияалаңында сағат 10:00 Білім күніне  арналған «Менің Отаным – Қазақстан» атты  салтанатты  жиын өтті.  Биылғы алғашқы қоңырау  тарихи оқиғаларға толы тұста өтті: Бұл жыл – Бірлік пен ынтымақтастықтың бірізділігі – Қазақстан Халық Ассамблеясының 20 жылдығы, Қазақстан Республикасы Президентінің Қазақстан халқына «Нұрлы жол – болашаққа бастар жол» атты Жолдауы жарияланған жыл, Ұлт рухының ұлылығы – ұлы жеңістің 70 жылдығы, Ұлы даланы дүбірлеткен Қазақ хандығының 550 жылдығымен тұспа-тұс келген жыл, Бұл жыл – Көп ұлтты Қазақстан халқының еркіндігі мен теңдігін паш еткен Ата Заңымыздың мерей тойына 20 жыл толған жыл және Мәңгілік ел болу мақсатында  биылғы жылы Елбасы «100 нақтықадам» Ұлт жоспарының жүзеге асырылуы туралы баяндаған жыл екенін атай отырып, іс-шара жоғары деңгейде өтті. Мерекелік жиында гимназия директоры Мусина Айман Оразовна құттықтау сөз айтты. Құттықтау барысында  директор 1 сынып табалдырығын аттаған бүлдіршіндерге Елбасы Н.Ә. Назарбаевтың сыйлығы «Менің Отаным - Қазақстан» атты кітабын табыстады. Бүлдіршіндерді құттықтапҚазыбек би ауданы әкімшілігінен бөлім меңгерушісі Алма Каниевна және қалалық  ардагерлер ұйымының төрағасы Зейнешов Тлеубек Ережепович бүлдіршіндерге  тілегін айтып, сәт сапар тіледі. Салтанатты жиын  «Менің Отаным – Қазақстан»  атты  алғашқы білім сабағымен жалғасты.