"Суда жүзу кезіндегі қауіпсіздік ережелерін білесің бе?" (нұсқау беру) тақырыбында қауіпсіздік ережелеріне сәйкес әр топ жетекшілері әңгіме өткізді. Бейнелеу өнерінен "Көңілді жаз" тақырыбында үйірме жетекшісі Б.Байдельдинова акварельмен сурет салу сабағы өткізілсе, "Музыкалық сағат" үйірме жетекшісі М.Борашева "Бала тілегі" әнімен балаларды таныстырып, көңілді әндер айтылды. Сонымен қатар ағылшын тілі мұғалімі А.Тугамбек ағылшын тілінен қызықты сабақ ұйымдастырды. "Балдырған" жазғы сауықтыру лагерінінің балалары "Сарыжайлау" кинотеатрында "Пингвиненок Пороро" 3D мультфилімін тамашалап қайтты.