30 сәуір күні «№92 гимназия» КММ-да «Сен неткен бақытты едің, келер ұрпақ» атты қалалық ғылыми – тәжірибелік конференция болып өтті.
Пленарлық мәжіліске қатысып, сөз сөйлеп, өз ойларымен бөліскендер:
- Қарағанды облысының тілдерді дамыту жөніндегі басқармасының бас маманы Нелдібаева Сәуле Жемисбекқызы;
- «Сарыарқа дарыны» аймақтық ғылыми – практикалық орталықтың басшысы Абдраманова Алуа Сабитқызы;
- Гоголь атындағы Қарағанды облыстық әмбебап ғылыми кітапхананың «Өлкетану» бөлімінің меңгерушісі Сандуғаш Орынбайқызы;
- Тілдер оқыту орталығының оқытушысы Жамал Жарқынқызы;
- «Өрлеу» біліктілігін арттыру ұлттық орталығы акционерлік қоғамының филиалы Қарағанды облысы бойынша педагогикалық қызметкерлерінің біліктілігін арттыру институтының аға оқытушысы Смагулова Қазиза;
- «Ұлағат» мұражай басшысы, жазушылар одағының мүшесі Әміртай Тілеуғалы;
- «№92 гимназия» КММ директоры Мусина Айман Оразовна.
Секциялық жұмыстар:
І секциялық бөлім. «Ей, тәкаппар дүние! Маған да бір қарашы...» (өмірі, шығармашылығы, Ұлы Отан соғысы жылдарындағы туындылары) тақырыбы бойынша 5 жұмыс қорғалды.
ІІ секциялық бөлім. «Ғасырыма қалдырып асылдарым...» (ұрпақ тәрбиелеудегі Қасым шығармашылығының жұмыстары) тақырыбы бойынша 3 жұмыс қорғалды.
ІІІ секциялық бөлім. «Қасым ұлағаты ұрпақтар үнімен» (Қасымға арнау, шығармашылық жұмыстар) тақырыбы бойынша 4 жұмыс қорғалды.
Және де гимназия мұражайында «Дала әуені» (Қасым Аманжоловтың өнегелі өміріне шолу) атты арнайы шақырылған қонақтарға көрме ұйымдастырылды. Көрмені 7 «А», «Б» сынып саяхатшылары 3 тілде (қазақ тілі, орыс тілі, ағылшын тілі) жүргізді.
Қорытынды мәжіліс бөлімінде концерттік бағдарлама және марапаттаумен жалғасты. Барлық жұмыстар жинаққа шықты. Ең үздік 15 жұмыс мадақтама және сертификатпен марапатталып, Қасым журналы берілді.
Арнайы «Қазақстан Қарағанды», «ТВ1» телеарналары шақырылып, сұхбаттар берілді.
«Сен неткен бақытты едің, келер ұрпақ» атты қалалық ғылыми – тәжірибелік конференция өз мақсатына жетіп, келер ұрпақ үшін берері көп болды.
Авторство:
