12 - ақпан күні «Сен де бір кірпіш дүниеге» атты рухани-қайырымдылық іс-шарамен «Құлыншақ» балалар үйіне №92 гимназияның 5 «В» сынып оқушыларымен сынып жетекшісі барып бүлдіршіндерді рухани-адамгершілік құндылықтарды бойына сіңіру, мейірімділікке баулу мақсатында «Ормандағы дәріхана» атты қойылым қойды. 5 «В» сынып ата-аналар қауымдастығы «Жүректен жүрекке» қайырымдылық акциясын ұйымдастырып, балалар үйінің жас бүлдіршіндеріне  әдеби оқулықтар, кеңсе тауарлары, құрастырма ойыншықтар, балалар киімдерін тарту етті. Үйірме жетекшілері гимназияның өнерпаз оқушыларының қатысуымен ұйымдастырған концерттік бағдарлама ұсынылды. Іс-шара соңында «Құлыншақ» балалар үйінің тәрбие ісі жөніндегі орынбасары Б.Б.Мустафина гимназия оқушыларына ризашылығын білдіріп, алғыс хат жариялады.