9-сыныптарарасында қазақ тілі пәнінің мұғалімі – К.К.Садвокасова және тарих пәнінің мұғалімдері – А.А.Тусипханов, Д.Н.Утжановтың ұйымдастыруымен «Қазақстан халқы Ассамблеясының халық бірлігі мен елдің дамуындағы ролі»  атты дөңгелек үстел өтті. Дөңгелек үстелде қызу талқылауға түскен Қазақстан халқы Ассамблеясының ел бірлігі жолында атқарған еңбегі мен Елбасы Жолдауындағы "Мәңгілік Ел" ұлттық идеясы-этникалық, тек қазақ ұлтына қатысты емес, барлық қазақстандықтардың басын біріктірген идея екендігі айтылды. Ешкімге тәуелсіз, еркін өмір сүрген, елін жаудан азат еткен күллі көне түркі елінің арманы да "Мәңгілік Ел" идеясы болғанын мақтанышпен жеткізе білді. Ассамблеяның негізгі бағыты барлық этностық топтарды ортақ мақсатқа жұмылдыру болып табылатындығын атап өткен оқушылардың негізгі ойлары Ассамблеяның өміршеңдігінің ең басты ерекшелігі - ол этностық топтардың қызметін бақылаумен айналысатын қарапайым ұйымға ғана емес, сонымен қатар еліміздегі барлық ұлт пен ұлыстың мүдделерін бір арнаға тоғыстырушы, барлық азаматтардың этностық, діни ерекшеліктеріне қарамастан құқығы мен бостандығын сақтаушы толыққанды саяси институтқа айналғандығымен ұштасып жатты.