2015 жыл 20 қаңтар күні Қарағанды қаласының «№92 гимназия» КММ – де Қазақстан Республикасының Білім және ғылым министрлігінің Білім саласы бойынша бақылау Комитетінің төрағасының 30.12.2014 жылғы «Сапаны бағалау үшін критерийлер мен дескрипторларды қолданып пилоттық инспекцияларды (бақылау шараларын) өткізу туралы» №1937 бұйрығын іске асыру мақсатында Қарағанды облысының Білім саласындағы бақылау департаментімен бірлескен облыстық семинар өтті. Семинарға пилоттық жобаны талдау кезеніңде ағымдағы жылдың қаңтар, ақпан, наурыз айларында мемлекеттік аттестаттаудан өтетін Қарқаралы, Жаңаарқа, Шет, Абай, Бұқар жырау аудандары мен Қарағанды, Жезқазған, Теміртау, Балқаш қалалары білім ұйымдарының директорлары мен олардың орынбасарлары және қалалық, аудандық білім бөлімдерінің мамандары мен әдіскерлері - барлығы 60 адам қатысты.
Семинарды Қарағанды облысының Білім саласындағы бақылау департаментінің бөлім басшысы Сейітов Аман Бактыбаевич сөз сөйлеп, ашты. Қарағанды облысының Білім саласындағы бақылау департаментінің бас маманы Келбетова Райхан Шадыровна семинардың мақсатымен таныстырды. Бұдан кейін семинарға қатысушылар екі секция болып жұмыс жасады. Жұмыс барысында №92 гимназия директорының оқу ісі жөніндегі орынбасары Сагатова Айгуль Болатовна мен кафедра жетекшілері К.С.Балапанова, А.С.Макажанова, Г.Д.Нуржановалар аталған тақырып төңірегінде іс-тәжірибелерін ортаға салып, нұсқау беріп, практикалық жұмыстар жүргізілді. Практикалық жұмыстан кейін секциялық жұмысқа қатысушылар жоба туралы өз пікірлерін ортаға салып, сұрақтар қойып, ұсыныстарын айтты.
Авторство:
