№ 92 гимназияда Тұңғыш Президент күніне орай тілдің тұғырын биік те, берік ұстау мақсатында Қарағанды облысының жастар саясаты мәселелері жөніндегі басқармасы мен «Жас Ұлан» балалар мен жасөспірімдер ұйымының облыстық Кеңесінің төрайымымен бірлескен «Тыңдашы, менің тілімді!» атты облыстық байқау болып өтті. Тіл өнеріне, шешендік пен тапқырлыққа баулу, ана тілінің қадір - қасиетіне болашағына қамқор болып дамыту үшін өз үлестерін қосуды көздеген бұл байқауға Қарағандының жан-жақты өңірлерінен оқушылар қатысып, бақ сынасты. Байқауға оқушылар үш номинацияда қатысып, «Өнер алды- қызыл тіл» номинациясы бойынша  І орынды Жамбыл Жабаев атындағы №7 гимназиядан Сәулехан Кәусария мен Сүлеймен Гүлсім және №92 гимназиядан Абильдинова Назерке иеленсе, « Көрікті ой – көркем тіл» номинациясы бойынша ІІ орынға  №76 мектеп оқушысы Куанышбекова Айгерим, Қызыларай мектебінен Жұмажанова Әсем, 7 гимназиядан Қуатов Арулан есімді оқушы қанжығасына байлады. Ал, « Тіл- құдірет»  номинациясына келер болсақ, Қызыларай орта мектебінен Әуезхан Қайнар, №7 гимназиядан Ахметбекова Мариям, Нұра ауданынан Қабылбек Мүбарак есімді оқушылар белсене қатысып, ІІІ орынға иеленді. Байқаудың ашылу барысында №92 гимназияның өнерпаз оқушылары Әуелхан Мөлдір, Нұржан Мұхаммедрасул, Қанапия Ақнұр, Нұрмағамбетов Арыстан, Қайрберлина Құралай, Қазыбек Арман, Омирсерикова Аружан ән-шашуларын тарту етіп, жан жақтан келген өнерсүйгіш қауымды өнерлерімен тәнті етті. Оқушыларды шешендік қабілетпен сөйлеу, ойын дәлелді түрде тартынбай сөйлеу, тілдің тазалығы, ойдың тереңдігі, тілдің көркемдігіне тәрбиелеуде мұндай іс-шаралардың маңызы өте зор.