Білім қызметкерлерінің кәсіби мерекесі қарсаңында, яғни  ағымдағы жылдың 3 қазанында Кеншілер мәдениет сарайында Мұғалімдер күніне арналған салтанатты ісшара өткізілді. Іс-шара барысында  облыстың мұғалімдер қауымын Қарағанды облысының әкімі Нұрмұхамбет Әбдібеков құттықтап, білім беру ұйымдарының басшыларын, облыс мұғалімдерін және педагогикалық еңбек ардагерлерін Құрмет грамоталарымен, алғыс хаттармен және дипломдармен марапаттады. Сонымен бірге  білім беру ісінің 3 үздік қызметкеріне 1 млн. теңгеден, 11 мұғалімге 250 мың теңгеден ақшалай сыйлық табыс етті. Осы 11 мұғалімнің бірі - гимназиямыздың бастауыш сынып мұғалімі Акмагамбетова Акшегуль Мажитовна.  «Үздік бастауыш сынып мұғалімі» номинациясы бойынша дипломмен  марапатталған Акшегуль Мажитовна Акмагамбетованы №92 гимназия  ұжымы  құттықтайды және алдағы уақытта зор денсаулық пен шығармашылық табыс тілейді!