№92 гимназияда "Денсаулық фестивалі-2014" акциясы болып өтті. Акцияға гимназия оқушылары мен ұстаздар белсене ат салысып, спорттық ойындар, флеш - моб, көңілді тапқырлар клубы өнер көрсетіп, әсем әнмен жалғасты. Қазіргі білім беру мекемелерінің алдында тұрған міндеттердің бірі - жас ұрпақтың салауатты өмір сүруге көзқарасын қалыптастыру - дей отырып, гимназия директоры Мусина Айман Оразовна оқушыларға денсаулығын сақтауға, қоршаған ортасын таза ұстауға, сапалы білім алып, сол білімді келешектегі өміріңде пайдалана білуге тәрбиелеу жайлы сөз кезегінде айтып өтті. Қазақ елінің Ата заңына сәйкес әрбір азаматтың саулығы - мемлекетіміздің саулығы болып есептеледі. Халық даналығы "Елім бай болсын десең - денің сау болсын " деп денсаулықтың елдік, халықтық, ұлттық, отандық мағынасына айрықша көңіл аударған. Сондықтан да әр адам "Менің саулығым - ұрпағымның саулығы" деп түсінгені абзал.
Байланыс телефондары
