№92 гимназияда білім әлеміндегі дәстүрлі мерекенің бастысы, асыға күтетін алғашқы қоңырау салтанатты жиыны болып өтті. Жас ұрпақты ертеңгі күні еліміздің берік тұтқасы болатындай етіп тәрбиелеу - білім ордаларының басты міндеті. Салтанатты жиын Елбасымыздың биылғы дәстүрлі "Қазақстан жолы - 2050: бір мақсат, бір мүдде, бір болашақ" атты жолдауына арналып, жарқын болашаққа айқара жол ашқандығы жөнінде сөз етілді. Бұл жолдаудың іске асырылуы - Қазақсан Республикасын әлемнің дамыған мемлекеттерінің қатарына шығаратыны сөзсіз. "Бір халық"- бұл барлығымыз үшін ортақ ұлттық мүдделер. "Бір ел", бұл - барлығымыз үшін ортақ Отан. "Бір тағдыр", бұл - біз бірге жүріп өткен қиындықтар мен жеңістер! Міне, қоғамдық келісімді шайқалтпай ұстап тұратын табаны таудай үш таған туралы оқушыларға патриоттық сананы қалыптастыру тәрбие бағыты бойынша біліммен қамтамасыз етілді.
Гимназия директоры Мусина Айман Оразқызы мектеп табалдырығын бүгінгі күні бірінші рет аттағалы отырған 1 сынып бүлдіршіндерінің білім әлеміне аттаған алғашқы қадамдарына құттықтау сөзінен соң, ата-аналар қауымдастығы атынан еңбек ардагері, "Құрмет белгісі" орденінің иегері, оқу - ағарту ісінің озық қызметкері, әдіскер ұстаз Шымырбаева Бахыт Султаняровнаға берілді. Жиын соңы 1 және 12 сынып оқушыларының "Қазақстан жолы - 2050: бір мақсат, бір мүдде, бір болашақ" атты алғашқы білім сабағымен жалғасын тапты.
Авторство:
