«Жас  Ұлан» бірыңғай балалар мен жасөспірімдер ұйымының  Қарағанды  облыстық  қоғамдық бірлестігі 1 маусым Халықаралық  Балаларды қорғау  күні-Қарағанды қаласының  мәдени және демалу  саябағында, қаламыздың 80 жылдығына орай ұйымдастырылған  «Балалық шақ әлемінде» атты мерекелік қойылымға  №92 гимназиядан 2-4 сыныптардан 30 Жасқырандық және 8-10 сынып оқушыларынан 20 Жасұландық қатысып, белсене ат салысты. «Жыл оқушысы» номинациясының иегері 6А сынып оқушысы Асылбек Тасболат қалалық мерекелік іс-шараны  жүргізу міндетін абыройлы атқарды. Қалалық «Жаңа леп»  концерттік бағдарламасына  гимназияның өнерпаз шәкірттері  концерттік бағдарлама ұсынып, ерекше өнерлерімен көпшіліктің алғысына бөленді. Атап айтсақ, Ильясов Елжан, Кабижан Фатима, Нуржан Мухаммедрасул, Әуелхан Мөлдір, Абдрахманова Аилина,  Мейрамов Адил, Алимбаев Әбілмансур, Алимхан Мурат  өнерлерін көрсетті.