Мамыр айының жиырма бесінші жұлдызы. Бір жылдық қорытынды жасайтын, өткен күндерге сағынышпен оралатын, ертеңгі күнге сенімді серік етіп, үкілеген үмітті арқау ететін күн. Осы ерекше күн гимназиямызда  мектеп бітіруші түлектердің құрметіне арналды.  «Қош бол, алтын ұя мектебім!» атты соңғы қоңырау салтанатты жиынында гимназия директоры  Мусина Айман Оразқызы «Бұл күн – мектеп тарихында, мектеп бітіруші түлектер есінде мәңгі өшпейтін күн. Себебі, биылғы түлектеріміз қазыналы Қарағандымыздың 80 жылдық мерейтойы қарсаңында Алтын  ұя – мектептерінен жаңа өмірге қанат қаққалы отыр», - дей келе мектеп бітіруші түлектерге сәт-сапар тіледі. Осы оқу жылында оқу-тәрбие үрдісі бойынша жоғары жетістіктерге жеткен оқушылар гимназия әкімшілігі атынан мақтау қағаздарымен марапатталды. Құрметті қонағымыз Қарағанды облысының ауылшаруашылық басқармасы басшысының орынбасары Апакашев  Сағынжан Апакашұлы салтанатты жиынға қатысушы оқушылар, ата-аналар мен ұстаздарды құттықтап, түлектерге сәт-сапар тіледі. Ата-аналар қауымдастығы атынан «Батыр Ана», аяулы ұстаз, асыл әже Асқарова Жамилә Жансеповна  талай ұрпаққа талмай, жалықпай білім беріп, шәкірттерінің  "Дүниенің бір кірпіші  болып қалануына" ықпал етіп жүрген ұстаздар қауымына алғысын білдірді. Салтанатты жиын соңында мектеп бітіруші түлектерімізтарыдай ғана болып кіріп, таудай болып шыққан алтын ұя мектептерін, ұстаздарын,  достарын  қимайтындықтарын,  мектеп қабырғасында өткен әр күндері ұмытылмайтын тәтті күндер екендігін айта отырып, ұстаздар қауымына алғыстарын жеткізді.