Білім бөлімінің ұйымдастыруымен халықаралық отбасы күніне арналған «Менің отбасым – менің байлығым!» атты қалалық отбасылар байқауы өтті.
«Әке – асқар тау,
Ана - етегіндегі бұлақ,
Бала – жағасындағы құрақ» демекші, отбасы мүшелерінің жас шамасы әр түрлі болса да, байқауға қатысқан әрбір отбасы мүшелерінен бір-біріне деген сыйластық, ата-анасына деген құрмет, ізгі ниеттері, бір-бірімен рухани жақындығы, ынтымақтастығы көрініп тұрды. Байқауға гимназиямыздан 7, 9 сынып оқушылары Жағыпарова Кәмилә мен Мәдинаның ата-анасы Асқаров Төлеутай Жағыпарұлы мен Авилхан Назгүл, яғни Асқаровтар отбасы қатысып, өнерлерін ортаға салды (сынып жетекшілері А.Ж.Кушекова, Ж.Ж.Намазбаева). «Жүзден жүйрік, мыңнан тұлпар шығар жарысқанда» демекші, байқау қорытындысы бойынша Асқаровтар отбасы сахналық мәдениет, өнер, отбасылық ынтымақтастық жағынан жоғары ұпай жинап, бас жүлдені жеңіп алды.
Асқаровтар отбасын гимназия ұжымы мен оқушылары атынан құттықтаймыз! Сіздерге отбасылық бақыт, береке-бірлік, зор денсаулық тілейміз.
Авторство:
