Облыстық білім басқармасының ұйымдастыруымен гимназия базасында  республикалық  деңгейде  өткен  бастауыш сынып мұғалімдерін оқыту семинарында облыстық білім басқармасының мамандары, оқу-әдістемелік орталығының әдіскерлері,  білім бөлімінің әдіскерлері және бастауыш сынып мұғалімдері  жаңа оқу бағдарламалары бойынша «Атамұра» баспасынан өзгертіліп, толықтырылып шығарылған оқулықтар мен әдістемелік нұсқаулықтардың авторларымен кездесті. Семинарды облыстық білім басқармасының бас маманы Досымбекова Бахыт Кабдугалиевна мен «Атамұра» корпорациясы» ЖШС вице-президенті Жарылгасимова Гульбаршин Нагиевна құттықтау сөздерімен ашып, семинардың мақсат-міндеттерімен таныстырды. 1-4 сыныптарға арналған «Математика» оқулығының авторы Оспанов Төлеген Қаражанұлы, қазақ мектептерінің  2-4 сыныптарына  арналған «Қазақ тілі» оқулығының авторы Уаисова Гульнар Инаматқызы, орыс  мектептерінің  1-4 сыныптарына  арналған «Қазақ тілі» оқулығының редакторы Райбаева Райхан, қазақ мектептерінің 3-4 сыныптарына арналған «Русский язык» оқулығы мен оқу-әдістемелік нұсқаулықтардың авторы Бадамбаева Гульфия Аубакировна, орыс мектептерінің 2-4 сыныптарына арналған «Русский язык» оқулығының авторы Якунина Любовь Павловна, 1-2 сыныптарға арналған «Английский язык» оқулығы мен оқу-әдістемелік нұсқаулықтарының авторы  Бобровская Ксения Сергеевна, 1-4 сыныптарға арналған «Дүниетану» оқулығының редакторы Искакова Гульзада және 2-4 сыныптарға арналған «Әдебиеттік оқу» оқулығының авторы Кабатай Бидана оқулықтардың оқушылардың функционалдық сауаттылығын арттырудағы рөлі, жаңа мазмұны мен құрылымы, берілетін білімнің өзектілігі және енгізілген өзгерістер жөнінде бастауыш сынып мұғалімдеріне мағлұмат бере отырып, қойылған сұрақтарға да жауаптар берілді.