«Жеке тұлғаның рухани-адамгершілік және зияткерлік білім алудағы дүниетанымдық бағдары» қалалық семинар

«Жеке тұлғаның рухани-адамгершілік және зияткерлік білім алудағы дүниетанымдық бағдары» тақырыбында қалалық семинар өткізілді. Семинарға қала мектептерінің өзін-өзі тану пәні мұғалімдері қатысып, гимназия мұғалімдерінің тәжірибесімен  бөлісті. Гимназия директоры А.О.Мусина, қалалық білім бөлімінің әдіскері Г.Т.Хасенова  семинарды ашып, қатысушы мұғалімдерді құттықтады. Семинар жоспары бойынша өзін-өзі тану пәні мұғалімдері Ж.Ж.Касымбекова рухани-адамгершілік білімнің қазіргі әлемдегі басымдылығына тоқталса, Г.Б.Илимбаева өзін-өзі тану пәнімен басқа пәндердің ықпалдасуы туралы түсінік берді. Бастауыш сынып мұғалімдері  Ж.С.Тлеубергенова «Жайлау» тақырыбында ана тілі мен өзін-өзі тану пәндерін ықпалдастыру бойынша, М.Б.Смаилова «Денсаулық – өмір негізі» тақырыбында өзін-өзі тану пәнінен сабақ өткізіп, тәжірибелерін ортаға салды. К.Т.Акимжанованың жетекшілігімен 7-10 сынып оқушылары  «Ата – баба келбеті» тақырыбында үш тілде ата-бабамыздан қалған құндылықтарды, яғни оқушылардың қолымен жасалған  этномұражай жұмыстарымен таныстырды. Семинар соңында  өткізілген  рефлексияда  мұғалімдер  бүгінгі семинардан  өздеріне қажетті мағлұматтарды алғандарын, сабақтардан, әсіресе рухани-адамгершілік тәрбиелік маңызы зор этномұражай жұмысынан  жақсы әсер алғандарын жеткізді.