№ 92 гимназияда 6-7 сынып оқушыларына орталық полиция бөлімінің полиция капитаны Сериков Мурат Серикович, полиция капитаны Кожахметов Тимур Ергалиевич "Жол - көлік қауіпсіздігінің алдын-алу, бала жарақаттылығын болдырмау" мақсатында лекция оқыды. Лекция соңында "Абайлаңыз балалар!", "Жол қауіпсіздік ережелері" тақырыбындағы бейнероликтер көрсетіліп, оқушылар жолда жүру ережелеріне байланысты сұрақтарын қойып, толық мәліметтер ала білді. Лекция барысында №41 мектептің жас жол сақшылары жол қауіпсіздігін сақтауға байланысты өз өнерлерін ортаға салды. Іс-шараны "КТК" телеарнасының журналистері түсіріп, БАҚ-на жарық көрді. Гимназия әкімшілігімен қоса пән мұғалімдері де қатысып, іс-шараның әр баланың көңіліне қонымды, пайдалы болып өтуіне ат салысты.