«Қарағанды қаласы білім бөлімі» ММ әдістемелік кабинетінің ұйымдастыруымен мектепаралық  ынтымақтастықты нығайту және тиімді тәжірибелерді тарату мақсатында 2026 жылғы 27 қарашада Ыбырай Алтынсарин атындағы мектеп-лицейінде «МЕКТЕПТЕН МЕКТЕПКЕ. МҮМКІНДІКТЕР ЭКСПЕДИЦИЯСЫ» атты тәжірибе алмасу алаңы ұйымдастырылды.

      Мақсаты заманауи инфрақұрылым мен цифрландыру мүмкіндіктері, білім беру кеңістігін тиімді пайдалану жолдары бойынша ақпараттандыру және тәжірибе алмасу болды.

     Мақсатқа сай Ыбырай Алтынсарин атындағы мектеп-лицей ұжымы мектептің дамуы бағыты, негізгі нәтижелері мен білім беру кеңістіктері, шығармашылық  нысандарымен, практикалық тиімді тәжірибелерімен бөлісті.       

     Осы орайда  гимназиямыздың «Сапалы білім — сапалы нәтиже» дарынды және қабілетті оқушылармен жұмысты жүйелі ұйымдастыру» тақырыбындағы І тоқсанның нәтижесі, мәселелері, шешімдері қаралып, талданып күн тәртібіне сай педагогикалық кеңес өткізілді. Екі мектеп арасында кәсіби диалог, тәжірибе алмасуды қалыптастыра отырып, алған тәжірибені өз гимназиямызда бейімдеуде «1тәжірибе – 1шешім- 1әрекет» тұжырымына тоқталдық.

    «МЕКТЕПТЕН МЕКТЕПКЕ. МҮМКІНДІКТЕР ЭКСПЕДИЦИЯСЫ» атты тәжірибе алмасу алаңын ұйымдастырған «Қарағанды қаласы білім бөлімі» ММ әдістемелік кабинетіне және  Ыбырай Алтынсарин атындағы мектеп-лицейі әкімшілгіне, ұжымына алғысымызды білдіре отырып, еңбектеріне толағай табыстар тілейміз.#SchoolExpeditionkrg