Гимназиямызда директордың тәрбие жұмысы жөніндегі орынбасары Қарлығаш Серікқызы мен педагог-психолог Айзада Мұқажанқызының ұйымдастыруымен “Жас маман-жарқын болашақ” атты тренинг өткізілді.
Тренингтің мақсаты – жас педагогтердің кәсіби әлеуетін арттыру, өзара ынтымақтастықты нығайту, тиімді қарым-қатынас орнату дағдыларын дамыту және шығармашылық ізденіске ынталандыру.
Тренинг барысында қатысушылар өзара танысып, ынтымақтастыққа бағытталған қызықты жаттығулар орындады.
✨ Жас маманның кәсіби қалыптасуы – білімді ұрпақтың жарқын болашағына бастар жол. Әрбір жас педагогке қолдау көрсету, сенім білдіру және тәжірибе алмасуға мүмкіндік жасау – ортақ міндетіміз. Жас мамандарға шығармашылық шабыт, кәсіби табыс және жарқын жетістіктер тілейміз!
