№92 гимназия ата – аналар комитетінің отырысы болып өтті. Отырыста гимназия әкімшілігі 2012 – 2013 оқу жылындағы оқу – тәрбие жұмысының талдау қорытындысын, алдағы оқу жоспары мен оқушылардың жеткен жетістіктерін, жалпыға бірдей білім беру қоры мен «Мектепке жол» акциясының өту барысы және гимназия психологы қоғамда, мектепте, отбасында әлімжеттіліктің, зорлық – зомбылықтың алдың – алуға байланысты ақпараттарды ата – аналар назарына ұсынылды. Жаңа 2013 – 2014 оқу жылындағы қамқоршылық кеңесі сайланып, баяндамалар оқылды. Отырыс соңында өскелең ұрпақты үлгілі тәрбиелеуде үлес қоса отырып, гимназияның қоғамдық жұмыстарына ат салысқан ата – аналар марапатталды. Гимназияның өнерпаз оқушылары шағын концерттік нөмерлерін тарту етті.