"Ұлттық құндылық" айлығы аясында жыне көктемгі демалыс кезінде оқушылардың бос уақытын тиімді пайдалану мақсатында гимназия оқушылары ұстаздарымен күллі түркі халықтарына ортақ, әлемге әйгілі қасиетті де киелі мекені Түркістан қаласына барып қайтты. Саяхат ең алдымен киелі орын Арыстан баб кесенесіне барудан басталды. Бұл жерде баба мүрдесі қойылған ерекше бөлмені көріп, арнайы тілек тілейтін орында болып, Арыстан баб құдығының қасиетті суының дәмін татты. Оқушыларды таңқалдырған, оларды қызықтырған ерекше нысан болды. Бұл киелі орыннан кейін Отырар мұражайына саяхат жасап, “Отырар опаты” болған көне Отырар қаласының орнын, қаладағы моншаның орына жүргізілген қазба жұмыстарын және құмырашылар шеберханасын тамашалады. Саяхат барысында оқушылар еліміздің түркі тілдес халықтардың рухани орталығы, Қазақ хандығының саяси астанасы болған Түркістан қаласын, XV ғасырда Қ.А.Яссауиге арнап тұрғызылған кесенесін аралап,ғажайып Тайқазанды , Ахмет Яссауи мүрдесіне қойылған құлыптасты, жерленген бөлмені, Абылай хан ескерткішін көрді, тарихымен танысты. Одан соң жер асты мешітіне барып, Ахмет Яссауи қылуетке түскен жерді көздерімен көрді. Шығыс моншасы мен Жұма мешітінде, Қожа Ахмет Яссауидің қызы Гаухар Хошназ атты қызының кесенесін тамашалап, ерекше әсер алды.
Ежелгі қазақ хандығының астанасы болған Түркістанның елдік бейнеміздің кәусар бұлағы екенін,оның пайда болу тарихын осы қала арқылы біз өткен тарихымызды, мәдениетімізді білетінімізді оқушыларға дәріптеу, оларды ұлттық салт-дәстүрді, әдет-ғұрыптарымызды құрметтеуге тәрбиелеуде саяхаттың берері мол болды.