«Адал ұрпақ» жобасы аясында, бүгін гимназиямыздың 9 және 11 сынып оқушыларына ҚР Сыбайлас жемқорлыққа қарсы іс-қимыл агенттігінің Қарағанды облысы бойынша департаменті  жанындағы ақпаратты-ағарту пулынын спикері – Бейбіт Қайыржанұлы Жұмабековтің қатысуымен «Адалдық алаңында» кездесу ұйымдастырылды. Оқушылар сұрақтарын белсенділікпен қойып, сыбайлас жемқорлықпен күресу барлық Қазақстан Республикасы азаматтарының азаматтық борышы екені туралы, әр адамға парасат биігінен көріну, өз елінің адал азаматы болуға ұмтылу – адамның өзінің қолында екендігі жайлы пікірлерін ортаға салып, жемқорлыққа қарсы мәдениетті қалыптастыру бойынша ақпараттармен алмасты.