Еліміздің ертеңі жас ұрпақты тәрбиелеу ісінде әкенің рөлін арттыру, әке тәлімі мен ақылының маңыздылығын насихаттау мақсатында гимназияда «Әке тәлімі» әкелер мектебінің «Әке тәрбиесі – бүгінгі қоғам мұқтаж тәрбие» тақырыбында отырыс өтті. Отырыс барысында әкелерге отбасы құндылықтары мен әкенің қоғамдағы рөлін насихаттайтын бейнеролик ұсынылып, әкенің баламен бірге өткізетін уақытының маңыздылығы, әкенің балаға көңіл бөлуі, ынтымақтастық қарым-қатынасы жайлы, әрі баланы ертеңгі ел қорғайтын ер, ұлттың намысты азаматы ретінде әділдікке, қайсарлыққа тәрбиелеу туралы ой-пікірлерімен бөлісті. Сонымен бірге шараға қатысқан әкелер биылғы атқарылатын жоспарлы іс-шараларға өздерінің ұсыныс-ойларын және сол шараларды ұйымдастыруға деген шығармашылық белсенділіктерін білдірді. Шара соңында оқушылардың арнайы әзірлеген әкесі туралы ойы, арманы, әкесінің қасиеттері, жақсы әдеттері, әкесін не үшін жақсы көретіндіктері туралы ойларымен бөліскен сурет, хат, ашықхаттар түріндегі сыйлықтары табысталды.
Ұйымдастырушы: "Әкелер мектебі" жетекшісі Д.К. Туякбаева
Авторство:
