Еліміздің Тәуелсіздігінің отыз жылдық мерекесі аясында ел дамуына зор үлес қосқан азаматтардың табысқа жету, еліміздің даму жолындағы жетістігін бүгінгі ұрпақпен бөлісу, жас ұрпаққа патриоттық тәрбие беру мақсатында облыстық «Өнегелі өмір» жобасы аясында  «30 жыл! 30 асу! 30 белес!» тақырыбында Академик Е.А.Бөкетов атындағы Қарағанды университеті, «Тұлғатану» ғылыми-зерттеу орталығының директоры, тарих ғылымдарының кандидаты, доцент  Бейсенбекова Нұрсахан Ахметовна мен ҚР Оқу ісінің үздігі, ҚР Президентінің «Ерен еңбегі үшін» медалінің иегері, ардагер ұстаз Төлеуханова  Күліш апайларымызбен кездесу өткізіліп,  қонақтарымыз ұлы мереке ел тәуелсіздігінің 30 жылдығымен құттықтай отырып, оқушыларға тәуелсіздік жетістіктерін насихаттап, тәуелсіздік құндылығын бағалау, болашақта еліне қызмет ету туралы кеңестерімен үндесіп, оқушылардың сұрақтарына жауап берді.  Шара барысында қонақтарымыз оқушылардың асыға, ынталанып күткен «30 жылдыққа - 30 бестік» гимназияішілік акциясының 6-9-сыныптар арасындағы 15  жеңімпазын марапаттады. Тарихи-танымдық шараның соңы тарих пәнінің мұғалімі Утжанов Досжан Нұржанұлының шығармашылығынан «Тәуелсіздік құрдастары» атты жырымен және гимназияның талантты оқушысы Нұржан Мұхаммедтің қонақтарға, акция жеңімпаздарына арнаған  әсем әнімен жалғасын тапты.