ҚР Тәуелсіздігінің 30 жылдығы қарсаңында гимназияда құрметті қонақтармен  кездесу өтті. Кездесуге оқушылармен сүбелі әңгіме жүргізуге Қанат Жүнісов -ақын, драматург, актер, əнші, Сəкен образын сомдаушы, "Сəкен -сұңқар" драмасының авторы, Құмарбек Қалқатаев - ҚР еңбек сіңірген қайраткері, әнші, сазгер, Аман Боранбаев - белгілі суретші,мүсінші, ҚР Суретшілер Одағының мүшесі, Жандос Смағұлов -филология ғылымдарының докторы, профессор, Е.А.Бөкетов атындағы Қарағанды университетінің оқытушысы келді.

Іс-шара  «Алаш ардақтысы» Сәкен музей-залымен танысудан басталды.Қонақтар экспозициялардың жоғары талғаммен ойластырылғандығы туралы пікір білдірді.

Кездесу гимназияның акт залында жалғастырылды. Оқушылар С.Сейфулиннің шығармашылығы,өмірі жөнінде көкейтесті сұрақтар қойып, кездесу пікірталас алаңына айналды.

Соңында  қонақтарымыз қасиетті домбырамен Сәкен әндерін айтып,оқушылар қосылып, әндерді бірге шырқады.

Кездесу жақсы көңіл күймен аяқталды.