Облысымызда Сәкен Сейфуллин атында бірнеше мекеме бар. Сол мекемелерді бір  «Альянс» атты  топқа біріктіру идеясының авторы-  Қарағанды облысында білім беруді дамыту оқу-әдістемелік орталығының директоры Б.Х.Абдикерова. 

«Сәкен Сейфуллин атындағы гимназиясы» КММ 2021 жылдың 3 желтоқсанында  ZOOM платформасында «Альянс» тобының мүшелерінің қатысуымен вебинар өткізді. Вебинар тақырыбы: Сәкен шығармашылығын оқыту-оқушының рухани және патриоттық дамуының негізі.

Вебинар барысында гимназия директоры К.Сейтимбетова жұмыс оқу жоспарының вариативтік бөлігіне тоқталып, «Сәкен тағылымы» курсының мазмұнын ашты. Мысалы,5-сыныптарда «Сәкентану»деген курс енгізілсе, 6- сыныптарда «Сәкен-ақын», 7- сыныптарда  «Сәкен-прозаик» деп жалғасын табуда.Бұл курстар С.Сейфуллиннің түрлі қырларын ашып, шығармашылығын оқуға қызығушылық оятатыны сөзсіз. Осы курстар оқушының функционалды сауаттылығын қалыптасыруға септігін тигізетіні анық. Бұған дәлел -оқушылар мен мұғалімдердің жетістіктері. 

Сөз соңында директор гимназияның миссиясын орындау мақсатында жұмыс оқу жоспарының вариативтік бөлігі курстарының септігі көп екендігіне тоқталды. Жыл  ішінде  мұғалімдер мен оқушылар жеткен жетістіктерімен және  алдағы уақыта  жоспарланған жұмыстармен таныстырды.

Кері байланыста  Сәтбаев қаласы мен Нұра ауданындағы «С.Сейфуллин» атындағы мектептердің басшылары тәжірибемен алмасуды қолдап, жалғастырылуын  ұсынды.